ਵਰ੍ਹਦੀ
ਅੱਗ ਜ਼ੁਲਮ ਦੀ ਵਿੱਚੋਂ ਉੱਠੇਗਾ ਤੂਫ਼ਾਨ ਕੋਈ।
ਜਿਸ ਦੇ
ਕਹਿਰ ਤੋਂ ਸਕੇ ਬਚਾ ਨਾ ਜ਼ਾਲਮ ਨੂੰ ਭਗਵਾਨ ਕੋਈ।
ਸਭੇ
ਵਿਰੋਧੀ ਹਾਕਮ ਨੂੰ ਅੱਜ ਅੱਤਵਾਦੀ, ਵੱਖਵਾਦੀ ਦਿਸਦੇ
ਨਾ ਹਮਵਤਨ
ਦਿਖਾਈ ਦਿੰਦਾ, ਨਾਂ ਦਿਸਦਾ ਇਨਸਾਨ ਕੋਈ।
ਹਾਕਮ ਅਪਣੀ
ਹੀ ਪਰਜਾ ਨੂੰ ਕੋਹ ਕੋਹ ਕੇ ਅੱਜ ਮਾਰ ਰਹੇ
ਜਿੱਦਾਂ
ਹੋਏ ਸ਼ਿਕਾਰ ਨੂੰ ਕੋਂਹਦਾ ਖਾਣ ਲਈ ਹੈਵਾਨ ਕੋਈ।
ਪਤਾ ਨਹੀਂ
ਹਾਕਮ ਦੀ ਅੱਖ ਤੇ ਕਿਹਾ ਮੋਤੀਆ ਛਾਇਆ ਹੈ
ਗ਼ਲਤ ਨੂੰ
ਜਿਹੜਾ ਗ਼ਲਤ ਆਖਦਾ ਉਸ ਨੂੰ ਦਿਸੇ ਸ਼ੈਤਾਨ ਕੋਈ।
ਲੀਰ ਲੀਰ
ਸੰਵਿਧਾਨ ਹੈ ਕੀਤਾ ਬਾਬਾ ਸਾਹਿਬ ਸੀ ਜੋ ਦਿੱਤਾ
ਕਰ ਦਿੱਤਾ
ਬਦਸ਼ਕਲ ਹੈ ਏਨਾ ਸਕਦਾ ਨਾ ਪਹਿਚਾਣ ਕੋਈ।
ਚਾਦਰ
ਹਿੰਦ ਦੀ ਕੌਣ ਬਚਾਵੇ ਅੱਜ ਦੇ ਐਰੰਗਜ਼ੇਬ ਦੇ ਕੋਲ਼ੋਂ
ਲੱਭੋ
ਕਿਧਰੋਂ ਤੇਗ ਬਹਾਦਰ ਦੇਵੇ ਜੋ ਬਲੀਦਾਨ ਕੋਈ।
ਨਾਜ਼ੀਵਾਦ
ਤੇ ਫਾਸੀਵਾਦ ਦੀ ਥੋੜੀ ਹੁੰਦੀ ਉਮਰ ਪਨਾਗਾ
ਠਲ੍ਹਣ ਲਈ
ਤੂਫ਼ਾਨ ਏਸ ਨੂੰ ਉੱਠੇਗਾ ਬਲਵਾਨ ਕੋਈ।
No comments:
Post a Comment