ਸਦਾ ਹੀ
ਅੱਤ ਦਾ ਸਰਬੱਤ ਦੇ ਨਾਲ਼ ਵੈਰ ਹੁੰਦਾ ਹੈ।
ਜੇ ਹਾਕਮ
ਰੱਬ ਬਣ ਬੈਠੇ ਵਰਤਦਾ ਕਹਿਰ ਹੁੰਦਾ ਹੈ।
ਨਸ਼ੇ ਤਾਕਤ
ਦੇ ਵਿੱਚ ਖੇਤੀਂ ਖਿੰਡਾ ਨਾ ਬੀਜ ਨਫ਼ਰਤ ਦੇ
ਬੀਜ ਜੇ
ਜ਼ਹਿਰ ਦਾ ਪਾਈਏ ਤਾਂ ਉੱਗਦਾ ਜ਼ਹਿਰ ਹੁੰਦਾ ਹੈ।
ਕਵਚ ਸੱਤਾ
ਦਾ ਨਾ ਸਕਦਾ ਬਚਾ ਜ਼ਾਲਮ ਨੂੰ ਫਿਰ ਕੋਈ
ਜਦੋਂ
ਹਥਿਆਰ ਬਣ ਹੰਝੂ, ਕਰ ਰਿਹਾ ਫਾਇਰ ਹੰਦਾ ਹੈ।
ਬਿਨਾਂ ਦੱਸੇ ਹੀ ਫੜ ਲੈਂਦੀ ਹੈ ਹੁਣ ਤਾਂ ਗੁਪਤ ਅੱਖ ਭੈੜੀ
ਸਦਾ
ਕਰਤੂਤ ਅਪਣੀ ਨੂੰ ਲੁਕਾਉਂਦਾ ਕਾਇਰ ਹੁੰਦਾ ਹੈ।
ਨਿਆਂ
ਨੂਰੀ ਬਖ਼ਸ਼ਦਾ ਨਾ ਕਦੇ ਹਾਕਮ ਦੇ ਜੁਰਮਾਂ ਨੂੰ
ਖ਼ੁਦਾ ਦੀ ਤੇਗ ਅੱਗੇ ਸੱਤਾ ਤੋਂ ਨਾ ਠਹਿਰ ਹੁੰਦਾ ਹੈ।
ਇਹ ਡੋਲ੍ਹੇ
ਖੂਨ ਦੇ ਤੁਪਕੇ ਉੱਗਣਗੇ ਬਣ ਕੇ ਤਲਵਾਰਾਂ
ਕਿਆਮਤ
ਜਦੋਂ ਹੜ੍ਹ ਬਣਦੀ ਨਾ ਲੱਗਦਾ ਪੈਰ ਹੁੰਦਾ ਹੈ।
ਭਿਆਨਕ ਇਸ
ਕਦਰ ਹੁੰਦਾ ਹੈ ਹੜ੍ਹ ਅੱਖਾਂ ਦੇ ਪਾਣੀ ਦਾ
ਇਹ ਦਿੰਦਾ
ਡੋਬ ਜ਼ਾਲਮ ਨੂੰ, ਨਾ ਉਸ ਤੋਂ ਤੈਰ ਹੁੰਦਾ ਹੈ।
ਪਨਾਗਾ
ਦੱਸ ਦੇ ਜ਼ਾਲਮ ਨੂੰ ਕਿ ਸੈਲਾਬ ਆਹਾਂ ਦਾ
ਅੱਗ ਦੋਜ਼ਖ
ਦੀ ਨਾਲ਼ੋਂ ਵੱਧ ਮਾਰੂ ਕਹਿਰ ਹੁੰਦਾ ਹੈ।
No comments:
Post a Comment