ਨਵੇਂ ਸਾਲ
ਨੇ ਮੁੱਖੜਾ ਆਣ ਦਿਖਇਆ ਹੈ।
ਪੰਡ ਆਸਾਂ
ਦੀ ਪੱਲੇ ਬੰਨ੍ਹ ਲਿਆਇਆ ਹੈ।
ਸ਼ਾਇਦ ਜਾਣ
ਪੈ ਪੱਲੇ ਖੁਸ਼ੀਆਂ ਇਸ ਵਾਰੀ
ਵਾਅਦਾ
ਤਖ਼ਤ ਜਿਨ੍ਹਾਂ ਦਾ ਕਰਦਾ ਆਇਆ ਹੈ।
ਆਸ ਲਾਈਂ
ਹਾਂ ਬੈਠੇ ਇੱਕ ਛਿੱਟ ਅੰਮ੍ਰਿਤ ਦੀ
ਕਈ
ਦਹਾਕਿਆਂ ਤੋ ਜਿਸ ਨੇ ਤਰਸਾਇਆ ਹੈ।
ਰੱਬ ਕਰੇ
ਉਹ ਸੁਰਗ ਧਰਤ ਤੇ ਵਸ ਜਾਵੇ
ਲਾਰਾ ਜਿਸ
ਦਾ ਹਰ ਹਾਕਮ ਨੇ ਲਾਇਆ ਹੈ।
ਮਿਹਰ
ਕਰੀਂ ਤੂੰ ਦਾਤਾ ਕਰ ਸਾਕਾਰ ਦਈਂ
ਖ਼ਾਬ ਜੋ ਮਾਨਵ
ਦੀ ਸੰਤਾਨ ਸਜਾਇਆ ਹੈ।
ਭਲਾ ਹੋਏ
ਸਰਬੱਤ ਦਾ ਸਭ ਦੇ ਬੁਲ੍ਹਾਂ ਤੇ
ਜਿਸ ਦਾ
ਸਾਨੂੰ ਗੁਰੂਆਂ ਸਬਕ ਸਿਖਾਇਆ ਹੈ।
ਰੋਟੀ,
ਕੱਪੜਾ, ਸਭ ਦੇ ਸਿਰ ਤੇ ਛੱਤ ਹੋਵੇ
ਮੰਗ ਕੇ
ਅੱਜ ਪਨਾਗ ਗੁਰੂ ਤੋਂ ਆਇਆ ਹੈ
No comments:
Post a Comment