ਬੰਦਾ ਜੋ
ਹੈ ਰੱਬ ਬਣ ਬਹਿੰਦਾ ਆਖਰ ਛਿੱਤਰ ਖਾਂਦਾ ਹੈ।
ਨਾਲ਼ ਲੁਕਾਈ
ਦੇ ਜੋ ਖਹਿੰਦਾ ਆਖਰ ਛਿੱਤਰ ਖਾਂਦਾ ਹੈ।
ਬਿਨਾਂ
ਵਕਤ ਦੀ ਨਬਜ਼ ਪਛਾਣੇ, ਬਿਨਾਂ ਹਵਾ ਦੇ ਰੁਖ ਨੂੰ ਜਾਣੇ
ਵਿੱਚ
ਅਸਮਾਨ ਜੋ ਉਡਦਾ ਰਹਿੰਦਾ ਆਖਰ ਛਿੱਤਰ ਖਾਂਦਾ ਹੈ।
ਸੱਚ ਦਾ
ਨਾਹਰਾ ਲਾਉਣ ਵਾਲ਼ੇ ਨੂੰ, ਅਪਣੀ ਅਣਖ ਬਚਾਉਣ ਵਾਲ਼ੇ ਨੂੰ
ਦੇਸ਼
ਧੇਰੋਹੀ ਜੋ ਹੈ ਕਹਿੰਦਾ ਆਖਰ ਛਿੱਤਰ ਖਾਂਦਾ ਹੈ।
ਸੱਚਿਆਂ
ਨੂੰ ਜੋ ਕੋਸੀ ਜਾਂਦਾ, ਝੂਠ ਤੇ ਝੂਠ ਪ੍ਰੋਸੀ ਜਾਂਦਾ
ਠੇਕਾ
ਕੁਫ਼ਰ ਦਾ ਹੈ ਲੈ ਲੈਂਦਾ ਆਖਰ ਛਿੱਤਰ ਖਾਂਦਾ ਹੈ।
ਗੱਲ ਜ਼ਮੀਰ
ਦੀ ਸੁਣਦਾ ਨਾ ਜੋ, ਰਾਹ ਇਨਸਾਫ ਦਾ ਚੁਣਦਾ ਨਾ ਜੋ
ਲੋਟੂ
ਟੋਲੇ ਦਾ ਪੱਖ ਲੈਂਦਾ ਆਖਰ ਛਿੱਤਰ ਖਾਂਦਾ ਹੈ।
ਸੱਚ ਦੇ
ਹੱਕ ਵਿੱਚ ਖੜ੍ਹਦੇ ਨੇ ਜੋ, ਦੀਨ ਦੁਖੀ ਲਈ ਲੜਦੇ ਨੇ ਜੋ
ਹੋਂਦ ਉਨ੍ਹਾਂ
ਦੀ ਜੋ ਨਹੀਂ ਸਹਿੰਦਾ ਆਖਰ ਛਿੱਤਰ ਖਾਂਦਾ ਹੈ।
ਦੀਨ ਦੀ
ਹਾਅ ਤੋਂ ਡਰਦਾ ਨਾ ਜੋ, ਰਹਿਮ ਪਨਾਗਾ ਕਰਦਾ ਨਾ ਜੋ
ਕਿਲਾ ਓਸ
ਦਾ ਢਹਿੰਦਾ ਈ ਢਹਿੰਦਾ ਆਖਰ ਛਿੱਤਰ ਖਾਂਦਾ ਹੈ।
No comments:
Post a Comment