ਦੇਖੋ ਹੈ
ਕੀ ਖੇਲ੍ਹ ਰਚਾਇਆ ਕੁਰਸੀ ਨੇ।
ਨੈਤਿਕਤਾ
ਨੂੰ ਖੂੰਜੇ ਲਾਇਆ ਕੁਰਸੀ ਨੇ।
ਫੜ ਡੌਰੂ
ਜੋ ਰੋਜ਼ ਨਚਾਉਂਦੇ ਜੰਤਾ ਨੂੰ
ਵਾਂਗ
ਬਾਂਦਰੀ ਅੱਜ ਨਚਾਇਆ ਕੁਰਸੀ ਨੇ।
ਅਪਣੀਆਂ
ਜੜਾਂ ਨੂੰ ਆਪੇ ਵੱਢੀ ਜਾਂਦੇ ਨੇ
ਐਸਾ ਅਕਲ
ਤੇ ਪਰਦਾ ਪਾਇਆ ਕੁਰਸੀ ਨੇ।
ਵਕਤ ਬਲੀ
ਨੇ ਐਸੀ ਕਲਾ ਦਿਖਾਈ ਹੈ
ਨਾਇਕਾਂ
ਨੂੰ ਖਲਨਾਇਕ ਬਣਾਇਆ ਕੁਰਸੀ ਨੇ।
ਅੱਜ ਜੋ
ਕੁਰਸੀ ਪਿੱਛੇ ਪਾਗਲ ਹੋਏ ਨੇ
ਕਲ੍ਹ
ਆਖਣਗੇ ਹੈ ਮਰਵਾਇਆ ਕੁਰਸੀ ਨੇ।
ਅੱਖਾਂ ਦੇ
ਹੁੰਦਿਆਂ ਵੀ ਦਿਖਣੋ ਹਟ ਜਾਂਦੈ
ਬੰਦਾ ਜਦ
ਹੁੰਦੈ ਭਰਮਾਇਆ ਕੁਰਸੀ ਨੇ।
ਦੁਨੀਆਂ
ਦਾ ਰੰਗ ਹੋਣਾ ਸੀ ਕੁੱਝ ਹੋਰ ਪਨਾਗ
ਜੇ ਨਾ
ਹੁੰਦਾ ਜੱਗ ਭਟਕਾਇਆ ਕੁਰਸੀ ਨੇ।
No comments:
Post a Comment