ਤੇਰਾ ਜੇਕਰ ਦੀਦਾਰ ਨਾ ਹੁੰਦਾ।
ਦਿਲ ਮੇਰਾ ਬੇਕਰਾਰ ਨਾ ਹੁੰਦਾ।
ਮੈਂ ਵੀ ਵਿੱਚ ਦਾਨਿਆਂ ਦੇ ਆ
ਜਾਂਦਾ
ਇਸ਼ਕ ਦਾ ਜੇ ਖ਼ੁਮਾਰ ਨਾ ਹੁੰਦਾ।
ਕੋਈ ਕੱਟਦਾ ਨਾ ਤੇਸੇ ਨਾਲ਼
ਪਰਬਤ
ਵਿੱਚ ਦੁਨੀਆਂ ਜੇ ਪਿਆਰ ਨਾ
ਹੁੰਦਾ।
ਮੁਹੱਬਤ ਬੂੰਦ ਬਣ ਜੇ ਬਰਸਦੀ ਨਾ
ਕਿਤੇ ਮੌਸਮ ਬਹਾਰ ਨਾ ਹੁੰਦਾ।
ਪਿਆਰ ਕੁਦਰਤ ਦਾ ਜੇ ਨਾ ਫੁੱਲ ਬਣਦਾ
ਮਹਿਕਦਾ ਇਹ ਦਿਆਰ ਨਾ ਹੁੰਦਾ।
ਤੇਰੀ ਚਾਹਤ ਧੜਕਦੀ ਨਾ ਜੇਕਰ
ਇਹ ਦਿਲ ਬੇ-ਅਖ਼ਤਿਆਰ ਨਾ ਹੁੰਦਾ।
ਜੇ ਨਾ ਆਸ਼ਕ ਪਨਾਗਾ ਜਾਨ ਦਿੰਦੇ
ਵਿੱਚ ਨਾਇਕਾਂ ਸ਼ੁਮਾਰ ਨਾ
ਹੁੰਦਾ।
No comments:
Post a Comment