ਭੁੱਲ ਗਏ ਲੋਕ ਕਰਨੀਆਂ ਗੱਲਾਂ।
ਸਿੱਖ ਗਏ ਦਿਲ ਤੇ ਧਰਨੀਆਂ ਗੱਲਾਂ।
ਖੋਹ ਲਈਆਂ ਤਕਨਾਲੋਜੀ ਨੇ
ਪੀੜ ਦਿਲਾਂ ਦੀ ਹਰਨੀਆਂ ਗੱਲਾਂ।
ਰਿਸ਼ਤੇ ਕਿਤੇ ਨਾ ਜਾਣ ਤ੍ਰੇੜੇ
ਪੈਂਦੀਆਂ ਬਹੁਤ ਜਰਨੀਆਂ ਗੱਲਾਂ।
ਨੇਤਾ ਤੋਂ ਕੋਈ ਆਸ ਨਾ ਰੱਖਿਓ
ਸਿਰਫ ਨੇ ਮੂੰਹੋਂ ਵਰ੍ਹਨੀਆਂ ਗੱਲਾਂ।
ਮੋੜ ਲੈਣਗੇ ਮੂੰਹ ਅਪਣੇ ਵੀ
ਜਦੋਂ ਸ਼ਰੀਕਾਂ ਭਰਨੀਆਂ ਗੱਲਾਂ।
ਨਿੱਘੀਆਂ ਨਿਘੀਆਂ ਸਭ ਯਾਰਾਂ ਦੀਆਂ
ਭੀੜ ਪਈ ਤੋਂ ਠਰਨੀਆਂ ਗੱਲਾਂ।
ਮਰਨ ਪਿੱਛੋਂ ਵੀ ਚੰਗੀਆਂ ਮੰਦੀਆਂ
ਨਹੀਂ ਪਨਾਗਾ ਮਰਨੀਆਂ ਗੱਲਾਂ।
No comments:
Post a Comment