ਸੁਪਨਿਆਂ
ਦੀ ਕਦਰ ਕਰਨਾ ਸਿੱਖ ਲੈ।
ਅੰਬਰੀਂ
ਪਰਵਾਜ਼ ਭਰਨਾ ਸਿੱਖ ਲੈ।
ਭੁੱਲ
ਕੇ ਜਿਉਣਾ ਤੂੰ ਅਪਣੇ ਆਪ ਲਈ
ਦੂਜਿਆਂ
ਦੇ ਲਈ ਮਰਨਾ ਸਿੱਖ ਲੈ।
ਤਿਉੜੀਆਂ
ਮੱਥੇ ਤੇ ਪਾਉਣਾ ਛੱਡ ਦੇ
ਕਿਸੇ
ਨੂੰ ਬੁੱਕਲ਼ ਚ ਭਰਨਾ ਸਿੱਖ ਲੈ।
ਹਿੱਕ
ਦੀ ਤਾਕਤ ਦਾ ਕਰ ਹੰਕਾਰ ਨਾ
ਕਹਿਰ
ਅੱਲਾ ਦੇ ਤੋਂ ਡਰਨਾ ਸਿੱਖ ਲੈ।
ਵੰਡ ਕੇ
ਪੀੜਾਂ ਮਿਲੇਗੀ ਪੀੜ ਹੀ
ਪੀੜ
ਦੁਖਿਆਰੇ ਦੀ ਹਰਨਾ ਸਿੱਖ ਲੈ।
ਨਹੀਂ
ਮਿਲਣੇ ਫੁੱਲ ਹਰ ਇੱਕ ਡਗਰ ਤੇ
ਪੈਰ
ਅੰਗਿਆਰਾਂ ਤੇ ਧਰਨਾ ਸਿੱਖ ਲੈ।
ਮਿਹਰ
ਜੇ ਮਾਲਕ ਦੀ ਚਾਹੁੰਦਾ ਹੈਂ ਪਨਾਗ
ਬਣ ਦਯਾ
ਦੀ ਬੂੰਦ ਵਰ੍ਹਨਾ ਸਿੱਖ ਲੈ।
No comments:
Post a Comment