ਸੂਰਜ ਨਵਾਂ ਚੜ੍ਹਾ ਦੇਵਾਂਗੇ।
ਅੱਛੇ ਦਿਨ ਦਿਖਲਾ ਦੇਵਾਂਗੇ।
ਫਾਡੀ ਸੀ ਜੋ ਗਿਣਿਆਂ ਜਾਂਦਾ
ਮੋਹਰੀਆਂ ਵਿੱਚ ਖੜ੍ਹਾ ਦੇਵਾਂਗੇ।
ਜੰਨਤ ਲਿਆ ਕੇ ਆਸਮਾਨ ਤੋਂ
ਧਰਤੀ ਉੱਪਰ ਟਿਕਾ ਦੇਵਾਂਗੇ।
ਹੁੰਦਾ ਸੀ ਜੋ ਭਾਰਤ ਹੁਣ ਤੱਕ
ਹਿੰਦੁਸਤਾਨ ਬਣਾ ਦੇਵਾਂਗੇ।
ਗੋਸ਼ਤ ਖਾਣ ਵਾਲ਼ਿਆਂ ਨੂੰ ਹੁਣ
ਜੰਗਲ਼ੀ ਘਾਹ ਖੁਆ ਦੇਵਾਂਗੇ।
ਇੱਕੋ ਰੰਗ ਰਹੇਗਾ ਬਾਕੀ
ਬਾਕੀ ਸਭੇ ਉਡਾ ਦੇਵਾਂਗੇ।
ਦੇ ਦੇ ਮੁਫ਼ਤ ਰਿਆਇਤਾਂ ਸਭ ਨੂੰ
ਮੰਗਤੇ ਅਸੀਂ ਬਣਾ ਦੇਵਾਂਗੇ।
ਕੰਡਿਆਂ ਤੇ ਜੋ ਰਹੇ ਨੇ ਸੌਂਦੇ
ਫੁੱਲਾਂ ਉੱਪਰ ਖਿਡ੍ਹਾ ਦੇਵਾਂਗੇ।
ਹੁਣ ਤੱਕ ਸੀ ਜੋ ਨਾਇਕ ਪਨਾਗਾ
ਸਭ ਖਲਨਾਇਕ ਬਣਾ ਦੇਵਾਂਗੇ।
No comments:
Post a Comment