ਪਾਪਾਂ ਦੇ ਮਣਕਿਆਂ ਦੀ ਮਾਲ਼ਾ ਜਾਂਵਾਂ ਸਦਾ ਪਰੋਈ।
ਸਾਧੂ ਸਿੰਘ ਨਾਂ ਮੇਰਾ ਨਹੀਂ ਗੁਣ ਸਾਧੂ ਵਾਲ਼ਾ ਕੋਈ।
ਲੈ ਸ਼ੁਕਰ ਮਨਾਂਵਾਂ ਨਾ ਹੈ ਬਿਨ ਮੰਗਆਂ ਉਹ ਜੋ ਦਿੰਦਾ।
ਆਖਾਂ ਮੈਂ ਖੱਟਿਆ ਹੈ, ਕਦੇ ਨਾ ਐਖਾਂ ਹੈ ਉਹ ਦਿੰਦਾ।
ਮਾੜੀ ਦਾ ਉਹ ਦੋਸ਼ੀ ਕਰਦਾ ਮੈਂ ਜੋ ਚੰਗੀ ਹੋਈ।
ਸਾਧੂ ਸਿੰਘ ਨਾਂ ਮੇਰਾ ਨਹੀਂ ਗੁਣ ਸਾਧੂ ਵਾਲ਼ਾ ਕੋਈ।
ਸਿੰਘ ਨਾਂ ਪਿਛੇ ਲਾਇਐ ਹੈਂ ਬਰ ਕੁੱਤੇ ਤੋਂ ਡਰ ਜਾਂਦਾ।
ਸਵਾ ਲੱਖ ਨਾਲ਼ ਕੀ ਲੜਨਾ ਸਵਾ ਨੂੰ ਖੜ੍ਹਾ ਦੇਖ ਮਰ ਜਾਂਦਾ।
ਜਾਬਰ ਨਾਲ਼ ਭਿੜਨੇ ਦੀ ਥਾਂ ਹਾਂ ਜਾਂਦਾ ਜਾਨ ਲੁਕੋਈ।
ਸਾਧੂ ਸਿੰਘ ਨਾਂ ਮੇਰਾ ਨਹੀਂ ਗੁਣ ਸਾਧੂ ਵਾਲ਼ਾ ਕੋਈ।
ਹਾਂ ਆਕੜ ਖਾਨ ਬੜਾ ਰੱਖਦਾ ਸਦਾ ਧੌਣ ਅਕੜਾਈ।
ਮਿੱਠਤ ਤੇ ਨੀਂਵੀਂ ਦਾ ਗੁਰੂ ਦਾ ਫਿਰਦਾ ਸਬਕ ਭੁਲਾਈਂ।
ਗੁਣੀਆਂ ਤੇ ਗਿਆਨੀਆਂ ਦੀ ਕਰਦਾ ਰਹਾਂ ਸਦਾ ਬਦਖੋਈ।
ਸਾਧੂ ਸਿੰਘ ਨਾਂ ਮੇਰਾ ਨਹੀਂ ਗੁਣ ਸਾਧੂ ਵਾਲ਼ਾ ਕੋਈ।
ਮੋਹ ਮਮਤਾ ਵਿੱਚ ਫਸਿਆ ਸਬਰ ਦਾ ਪੱਲਾ ਫਿਰਦਾ ਛੱਡੀਂ।
ਦੌਲਤ ਨਾਲ਼ ਰੱਜਦਾ ਨਾਂ ਹਮੇਸ਼ਾਂ ਰੱਖਦਾ ਪੱਲਾ ਅੱਡੀਂ।
ਖੁਸ਼ ਹੁੰਦਾ ਹੁਕਮ ਚਲਾ ਸੰਗਦਾ ਹਾਂ ਕਰਦਾ ਅਰਜੋਈ।
ਸਾਧੂ ਸਿੰਘ ਨਾਂ ਮੇਰਾ ਨਹੀਂ ਗੁਣ ਸਾਧੂ ਵਾਲ਼ਾ ਕੋਈ।
No comments:
Post a Comment