ਗ਼ਜ਼ਲ
ਦਾਰੂ ਦੇ ਨਾਲ਼ ਰੱਜਦਾ ਸ਼ਰਾਬੀ ਕਦੇ ਨਹੀਂ।
ਪੱਲੇ ਤੋਂ ਖਰਚ ਪੀਂਦਾ ਹਿਸਾਬੀ ਕਦੇ ਨਹੀਂ।
ਹੈ ਪੀਣ ਲੱਗੇ ਰਹਿੰਦਾ ਸੀਮਾ ਦੇ ਵਿੱਚ ਜੋ
ਪੀ ਕੇ ਉਹ ਬੰਦਾ ਕਰਦਾ ਖਰਾਬੀ ਕਦੇ ਨਹੀਂ।
ਬਹਿ ਕੇ ਕੁਬੇਰ ਤੇ ਵੀ ਰਹਿੰਦਾ ਕੰਜੂਸ ਹੀ
ਕਿਸਮਤ ਚ ਜਿਸ ਦੇ ਕਰਨੀ ਨਵਾਬੀ
ਕਦੇ ਨਹੀਂ।
ਫੜ ਉੰਗਲ਼ੀ ਤਜ਼ਰਬਾ ਲੈ ਆਦਮੀ ਨੂੰ
ਜਾਏ
ਜਿੱਥੇ ਲਿਜਾਂਦਾ ਗਿਆਨ ਕਿਤਾਬੀ
ਕਦੇ ਨਹੀਂ।
ਹਰ ਆਦਮੀ ਦੀ ਫਿਤਰਤ ਹੁੰਦੀ ਹੈ
ਆਪੋ ਅਪਣੀ
ਹੋ ਕਲੀ ਦਾ ਰੰਗ ਸਕਦਾ ਗੁਲਾਬੀ
ਕਦੇ ਨਹੀਂ।
ਕਾਲ਼ਾ ਨਾ ਹੋਏ ਚਿੱਟਾ ਲੱਖ
ਪਾਲਿਸ਼ਾਂ ਕਰੇ ਵੀ
ਗਧਿਆਂ ਨੂੰ ਆਉਂਦੀ ਹਾਜ਼ਰ ਜਵਾਬੀ
ਕਦੇ ਨਹੀਂ।
ਸਾਗਰ ਵਿਸ਼ਾਲ ਕਿੰਨਾ, ਕਿੰਨੀ
ਡੂੰਘਾਈ ਇਹਦੀ
ਇਹ ਸੋਚ ਸਕਦੀ ਮਛਲੀ ਤਲਾਬੀ ਕਦੇ
ਨਹੀਂ।
ਦਿਲ ਖੁਸ਼ ਪਨਾਗਾ ਹੋਵੇ ਹਾਸਾ ਵੀ
ਤਾਂ ਹੀ ਆਉਂਦੈ
ਲੱਟ ਲੱਟ ਬਲ਼ਦੀ ਲੱਕੜ ਸਲ੍ਹਾਬੀ
ਕਦੇ ਨਹੀਂ।
No comments:
Post a Comment