ਭਟਕ ਚੁੱਕੇ ਲੋਕ-ਤੰਤਰ
ਨੂੰ ਲੀਹ ਤੇ ਪਾਉਣ ਆਏ ਨੇ।
ਇਹ
ਅੰਨਦਾਤੇ ਅਕਲ ਹਾਕਮ ਨੂੰ ਅੱਜ ਸਿਖਾਉਣ ਆਏ ਨੇ।
ਬੁਰਜ ਹੰਕਾਰ ਦੇ ਜੋ
ਅੰਬਰਾਂ ਨੂੰ ਛੋਹਣ ਸੀ ਲੱਗੇ
ਉਨ੍ਹਾਂ ਨੂੰ ਉਨ੍ਹਾਂ ਦੀ ਔਕਾਤ
ਅਸਲ ਦਿਖਾਉਣ ਆਏ ਨੇ।
ਆਪ ਹੁਦਰੀ ਹਕੂਮਤ
ਨੂੰ, ਤਲ਼ੀ ਧਰ ਜਾਨ ਅੰਨਦਾਤੇ
ਲੋਕ ਤਾਕਤ ਸਰਬ
ਉੱਤਮ ਹੈ, ਇਹ ਸਮਝਾਉਣ ਆਏ ਨੇ।
ਕਰਨ ਲਈ ਇਨ੍ਹਾਂ
ਨੂੰ ਬਦਨਾਮ ਜੋ ਲਾਉਂਦੇ ਸੱਤਾਧਾਰੀ
ਇਹ ਸੂਰਜ ਸੱਚ ਦੇ,
ਇਲਜ਼ਾਮ ਉਹ ਝੁਠਲਾਉਣ ਆਏ ਨੇ।
ਜਿਨ੍ਹਾਂ ਪੂੰਜੀ ਦੇ
ਕਿਲਿਆਂ ਨੂੰ ਉਸਾਰਨ ਲੱਗਿਆ ਹਾਕਮ
ਉਨ੍ਹਾਂ ਦੇ ਕਿੰਗਰੇ
ਉੱਚੇ ਇਹ ਮਿਥ ਕੇ ਢਾਹੁਣ ਆਏ ਨੇ।
ਹਕੂਮਤ, ਜਿਸ ਨੂੰ
ਚੁਭਦੀ ਹੈ ਹੋਂਦ ਧਰਤੀ ਦੇ ਪੁੱਤਾਂ ਦੀ,
ਓਸ ਦੀ ਹੋਂਦ ਨੂੰ
ਮਿੱਟੀ ਦੇ ਵਿੱਚ ਮਿਲਾਉਣ ਆਏ ਨੇ।
ਨਹੀਂ ਮੁੜਨਾ
ਇਨ੍ਹਾਂ ਦਿੱਲੀ ਦੀ ਸਾਜਿਸ਼ ਨੂੰ ਬਿਨਾਂ ਕੁਚਲ਼ੇ
ਜੋ ਅਪਣੀ ਮਿਟ ਰਹੀ
ਹਸਤੀ ਨੂੰ ਚੱਲ ਬਚਾਉਣ ਆਏ ਨੇ।
ਪਨਾਗਾ ਮੁੜਨਗੇ ਹੁਣ
ਚਾਲ ਲੂੰਬੜ ਦੀ ਦਫ਼ਨ ਕਰ ਕੇ
ਕਸਮ ਖਾ, ਸੱਚ ਲਈ
ਲੇਖੇ ਜੋ ਜਾਨਾਂ ਲਾਉਣ ਆਏ ਨੇ।
No comments:
Post a Comment